Rafael Sanchez Ferlosio idazlea zendu da

 

‘El Jarama’ eleberriaren egile eta 2004ko Cervantes sariaren irabazlea, Madrilen hil da, 91 urte zituela.

Rafael Sanchez Ferlosio espainiar saiakeragile eta eleberrigilea, ‘El Jarama’ren egilea, gaur hil da Madrilen, 91 urte zituela, bart ospitaleratu eta gero, haren argitaletxeak gaur iragarri duenez.

Sanchez Ferlosio Erroman jaio zen, 1927ko abenduaren 4an, eta Rafael Sachez Mazas falangistaren eta Lucia Ferlosio italiarraren seme-alabetan bigarrena izan zen. Kazetari gisa ere jardun zen, besteak beste, ABC eta El País egunkarietan.

Filosofia eta Letretan doktore, Jesus Fernandez Santos eta Carmen Martin Gaite idazleekin harremanetan hasi zen bertan (Martin Gaiterekin ezkondu zen 1954an), eta 50eko Belaunaldia osatu zuten.

1955ean, Nadal saria eman zioten ‘El Jarama’ lanagatik.

Lumadun baten bizitza. Amagoia Gurrutxaga Uranga

Zerbitzu berria Bilboko Udal Liburutegietan

Euskadiko Irakurketa Publikoko Sareko liburutegietako liburuen mailegua, otsailaren 25etik aurrera.

Nork eskatu ahal ditu beste udalerrietako liburuak Bilbon?
Euskadiko Irakurketa Publikoko Sareko txartela duen edozein pertsona helduak.

Zelan eskatu behar dut?
Eskatzaileak instantzia bat bete behar du bere datuekin eta nahi duen liburuaren datuekin eta liburutegian aurkeztu, edo Interneten dagoen formularioa bete.

Zer eskatu ahal dut?
Euskadiko Irakurketa Publikoko Sareko beste liburutegietako liburuak, gehienez 3, liburuak baldintza hauek betetzen badituzte:
– Bilboko udal liburutegietan ez egotea, ez eskuragarri, ez mailegatuta.
– Azken 2 urtetan, hau da, aurten edo ihaz, argitaratuak ez izatea.
– Umeentzako liburuak ez izatea.
– Komikiak, bidaiatzeko gidak, oposaketetarako temarioak, edo hizkuntza ikasteko liburuak ez izatea.

Zein da mailegu-epea?
Mailegu-epea 21 egunekoa da eta errenobazio 1 egin ahal da ez badu inork erreserbatu.

BILBOKO UDAL LIBURUTEGIEN LIBURUAK ESKATU NAHI DITUZTEN EUSKADIKO IRAKURKETA PUBLIKOKO LIBURUTEGIENTZAKO INFORMAZIOA

Nork eskatu ahal ditu Bilboko liburuak?
Euskadiko Irakurketa Publikoko Sareko txartela duen edozein pertsona helduak.

Zer eskatu ahal zaie Bilboko liburutegiei?
Liburuak, baldintza hauek betetzen badituzte:
– Eskatzen duen liburutegiaren bilduman ez egotea, ez egotea, ez eskuragarri, ez mailegatuta.
– Azken 2 urtetan, hau da, aurten edo ihaz, argitaratuak ez izatea.
– Umeentzako liburuak ez izatea.
– Komikiak, bidaiatzeko gidak, oposaketetarako temarioak, edo hizkuntza ikasteko liburuak ez izatea.
– Irakurketa Klubetarako ez izatea.
– Bilbon asko eskatzen direnen artean ez egotea.