LA BIBLIOTECA DE LOS LIBROS RECHAZADOS

Zuzendaria: Remi Bezançon

Parisen bizi den editore gazte batek, Bretainiako herri ezkutu batean argitaletxeek baztertu zituzten liburuen eskuizkribuak gordetzen dituen liburutegi bat dagoela aurkizen du. Bertan, Henri Pick delako batek sinatutako bitxi txiki bat aurkitzen du, berriki hil den herriko biztanlea, bertako pizzeria gobernatzen zuena. Antza denez, gizona ez zen literaturazalea eta irakurle edo idazle izateko ohiturarik ere ez zuen. Eleberriaren argitalpenak eta bere arrakasta handiak pizzeroaren familia, argitaletxea bera eta literatur kritikari eta telebistako kultur saio bateko aurkezle berezi bat jarriko dituzte xakean.

David Foenkinos-en izen bereko eleberrian oinarritutako filma da.

Bilboko Udal Liburutegietan daude, bai liburua, bai pelikula DVDan.

Zatoz eta maileguan hartu!

Disneytik haratago

Egilea: Chayé, Rémi

Izenburua: El techo del mundo

Argitaletxea, urtea: Pack Màgic, 2017

Hizkuntzak: Opciones de castellano, catalán y francés

Oharrak: 1 DVD (81 min.)

Disneyz aparte bada beste mundu bat eta honako film hau adibide ederra dugu. AEBko faktoria indartsuek (Disney, Warner, DreamWorks etabarrek) umeentzako luzemetraien merkatua eta baita burmuinak eurak ere “hartuta” dituzte baina badira salbuespen interesgarriak. El techo del mundo izeneko film frantsez honek (pena euskarazko bertsiorik ez izatea) ondo pasatzeko aukera paregabea emango die bai haurrei zein helduei.

Protagonista XIX. mendeko neskato errusiar ausarta bat da (berdintasunaren gaia lantzeko aproposa) eta hainbat abentura pasako ditu bere aititea Ipar Polotik bilatzen duen bitartean. Elementu asko izango ditugu disfrutatzeko, abenturak, entretenimendua, irudimena, tristezia apur bat eta baita umorea ere.

Ernest y Celestine

Egileak: Benjamin Renner, Vincent Patar eta Stéphane Aubier

Izenburua: Ernest & Celestine

Argitaletxea: A Contracorriente, 2018

Hizkuntzak: Gazteleraz, euskaraz, frantsesez edo katalanez ikusteko aukera

Oharra: 1 DVD (76 min.)

Notarioa izan nahi ez duen hartz baten eta dentista izan nahi ez duen arratoi baten adiskidetasun istorioa kontatzen duen pelikula ederra.

Gabrielle Vincent (1928-2000) idazle eta ilustratzaile belgiarraren ipuinetan oinarritutako pelikula dugu eta haurrentzako espreski gomendagarria da. Animazio zaindua, istorio polit eta umoredun pelikula.

La canción del mar

 

Izenburua:         La canción del mar

Argitaratzailea: Karma, 2015

Oharrak:            adin guztietarako

2015: Europear zinema saria: animazio film honena

2014: Oscar sariak: Animazio film onenerako izendatua

2014: Cesar sariak: Animazio film onenerako izendatua

Hizkuntzak: gaztelania, katalana, ingelesa, gaelikoa

Ama desagertu ondoren, Ben eta bere aizpa txikia Saoirse, hirira joan beharko dira amamarekin bizitzera. Orduan Ben, Saoirse Selki bat dela ohartzen da, itxasoko izaki magikoa. Itxas ondoko bere herrira itzultzea erabakitzen dutenean, bidai arriskutsu baten hasiera da. Denboraren kontrako lasterketa batetan, bere amak kontatzen zizkion leienden bidez bakarrik ezagutzen duen mundo batetan sartuko dira. Laister konturatuko da Saoirse dela bizi irauteko giltzarria.