Emakume Eguna Liburutegietan

pello_ta_unax[1]

Bilboko Udal Liburutegi Sareak bat egin du Emakumearen Egunaren ospakizunarekin, jende guztiari zuzendutako hainbat proposamenekin:

 Helduentzat: Berdintasun, Lankidetza eta Herritarren Gaietarako Sailarekin elkarlanean, Bidebarrietako Liburutegiak, Zine Forum saioa jasoko du ASTEAZKENEAN, martxoaren 4an, arratsaldeko 18:30etatik aurrera. Honetan,  Manuela Moreno zuzendariaren “Camas” izeneko film laburra eta, Céline Telerman zinegilearen “¿Por qué las mujeres queremos más?” film luzea eskainiko da. Emanaldien ondoren, solasaldia zabalduko da.

  Umeentzat: ipuin-kontalari saioak, Zabalako, Castañoseko, Zurbaranbarriko eta Begoñako liburutegietan. Saio horietan, tolerantzia, errespetua eta, batez ere, neskatoen eta mutikoen arteko berdintasuna bezalako balioak sustatuko dituzten testuak landuko dira.

Jarraitu irakurtzen…

Euskaraz irakurtzen Lehiaketaren sari banaketa

201502101816

Iban Iriarteri, “Euskaraz irakurtzen” lehiaketaren A kategoriaren saria egokitu zitzaion eta, joandako astean, Bidebarrietako Liburutegira etorri zen sariaren bila.

Ibanek eta bere senidekoek oso aukera ona izan zuten Bidebarrietako Liburutegia ezagutzeko.

Elkar Liburudendaren eskutik, 2014ko Durangoko Euskal Liburu eta Disko Azokan gehien saldu diren liburu bik eta musika CD batek osatutako opari sorta izan zen saria.

Eskerrik asko Iban gure lehiaketan parte hartzeagatik.

Literatura tailerra gaztelaniaz

kafkamoa

 

Tailer hau datorren otsailaren 25ean hasiko da Bidebarrietan eta ekainaren 10ean amaituko da. Saioak hamabostean behin egingo dira. Parte hartzaileek aurretik irakurri duten liburu bati buruz hitz egiten dute saio hauetan, Iñigo Larroquek koordinatuta:

  • Otsailaren 25: Misericordia (Benito Pérez Galdós)
  • Martxoaren 11: La quimera / El nadador (John Cheever)
  • Martxoaren 25: Plata quemada (Ricardo Piglia)
  • Apirilaren 15: El capote (Nikolái Gógol)
  • Maiatzaren 13: Bartleby el escribiente (Herman Melville)
  • Maiatzaren 27: Pastoral americana (Philip Roth)
  • Ekainaren 10: Pastoral americana (Philip Roth)

Tailer honetan parte hartzeko zozketa Bidebarrietan egin zen otsailaren 12an.

Debekatutako liburuak: erakusketa berria Bidebarrietan

1000919-300x225

Baina…. ¿benetan hauek guztiak debekatuak izan ziren?

1000909-300x225

Erakusketa honetan aurkezten ditugun liburuak Historian zehar, noizbait, nonbait, debekatuak, zentsuratuak, sute publikoetan erreak, baztertuak edota konfiskatuak izan diren liburu eta egileen lagin xume bat baino ez dira.

Ez daude guztiak eta zentsurak indarrean segitzen du, zerrenda berriak eragiten eta sorkuntza eta pentsamendu askatasunari oztopoak ipintzen.

Dena dela, egia ere bada liburu bat debekatzeak liburu berori irakurtzeko gonbitea ere badela. Beraz, geure gonbitea eginda dago.

Urtarrilaren 21etik martxoaren 21era.