Youtuber bila!

Bilboko planak gustoko al dituzu? Hirian gertatzen den guztiaren berri izatea, eta Youtubetik zabaltzea nahiko zenuke? Horrela bada, deialdi hau zuretzat da! Bilbao Gazte-k bi gazte behar ditu, neska eta mutila, Youtube-ko kanalean youtuber bezala aritu daitezen. Bidali iezaguzu zure aurkezpen bideoa; Bilbao Gazteren hurrengo youtuberra izan zaitezke, eta!

Parte hartu nahi dutenek honako baldintza hauek bete beharko dituzte:

  • 18 eta 25 urte bitartekoa izatea
  • Bilbon erroldatuta egotea
  • Euskera zein gaztelania jakitea.

Izena emateko “Zer egingo dut Bilbon asteburuan” gaia jorratzen duen bideoa aurkeztu beharko da. Edukiak euskaraz eta gaztelaniaz egon beharko du, eta bideoaren iraupena, asko jota, 5 minutukoa izango da. Bideoaren aurkezpenean izen-abizenak, adina, okupazioa (ikasketak, lana…), zaletasunak eta aisialdian egiten dutenaren inguruan aritzea ere ezinbestekoa izango da.

Epea 2019ko urriaren 7an itxiko da, gaueko 23.59etan. Bidaliguzu zure bideoa gazteria@bilbao.eus helbidera, Wetransfer bitartez, bideoa eta fitxa hau erantsita. Edozein zalantza izanez gero, idatziguzu gazteria@bilbao.eus helbidera edota 94 423 62 42 telefonora deitu.

Booktuberboom Lehiaketa

 

 

EAEko Liburutegi Sareak, Galtzagorri Elkartearekin batera, Booktuberboom lehiaketaren sariak:

  • Epaimahaiaren saria Jon Martinezek eskuratu du! Epaimahaiaren ustez, eibartarrak naturaltasun handiz ematen ditu azalpenak eta booktube baten helburua lortzen du, liburua irakurtzeko gogoa piztea, alegia. Oso lan txukuna egin duzu Jon! Zorionak eta jarraitu horrela.
  • Publikoaren Saria: Erkuden Kamiruaga, zorionak zuri ere! Dakizuen bezala, Publikoaren saria eskuratu du laukiztar gazte honek! Jarraitu horrela!!
  • Finalistak: Xabier Foruria eta Eukene Azpitarte finalistak ere zoriondu nahi ditugu, haien lanari esker erabaki bat hartzea oso zaila izan baita epaimahaiarentzat.

Bukatu da Booktuberboom Lehiaketaren lehen edizioa baina ez lokartu, laster bigarrenarekin itzuliko gara eta!!

Mila esker guztioi!!